განცხადებები
მაცივარაგენტების (ე.წ. ფრეონის) იმპორტის 2027 წლის კვოტისა და ნებართვის ასაღებად საჭირო დოკუმენტაციასთან დაკავშირებით
საქართველოს გარემოს დაცვისა და სოფლის მეურნეობის მინისტრის 2026 წლის 13 აგვისტოს №2-335 ბრძანებით დამტკიცდა „ოზონის შრის დამშლელ ნივთიერებათა შესახებ“ მონრეალის 1987 წლის ოქმით გათვალისწინებული ნივთიერებების 2027 წლის წლიური საიმპორტო კვოტა შემდეგი ნივთიერებისთვის:
1. ქლორდიფთორმეთანი (CHF2Cl, HCFC-22) – 15,00 მეტრული ტონა.
2. „ოზონის შრის დამშლელ ნივთიერებათა შესახებ“ მონრეალის 1987 წლის ოქმის F დანართით განსაზღვრული ნივთიერებები – 700 000 ტონა ნახშირორჟანგის (CO2) ეკვივალენტი.
დაინტერესებულ პირებს მიმდინარე წლის 1 ნოემბრის ჩათვლით აქვთ შესაძლებლობა სსიპ გარემოს ეროვნულ სააგენტოში წარმოადგინონ განცხადება (ნიმუში იხილეთ ქვემოთ) იმპორტის 2027 წლის ნებართვის მისაღებად და თან დაურთონ შემდეგი დოკუმენტაცია:
• ამონაწერი საჯარო რეესტრიდან
• ოზონის შრის დამშლელ ნივთიერებათა შესახებ“ მონრეალის 1987 წლის ოქმით გათვალისწინებული ნივთიერებების იმპორტის, ექსპორტის, რეექსპორტის და ტრანზიტის ნებართვის მოსაკრებლის (200 ლარი) გადახდის ქვითარი (მიმღების ბანკი - სახელმწიფო ხაზინა, ბანკის კოდი TRESGE22 (220 101 222), ანგარიშის ნომერი - №200122900, ბიუჯეტის შემოსულობების სახის განმსაზღვრელი სახაზინო კოდი 302003102)
• 2025 წლის 21 ოქტომბრის N471 საქართველოს მთავრობის დადგენილების საფუძველზე, ასევე უნდა წარმოადგინოთ თქვენთვის სასურველი ვადების მიხედვით გარემოს ეროვნული სააგენტოს მიერ გაწეული მომსახურების საფასურის ოდენობის დამადასტურებელი ქვითარი (ანგარიშსწორება ხორციელდება სსიპ გარემოს ეროვნული სააგენტოს შემდეგ საბანკო ანგარიშზე სახელმწიფო ხაზინაში: სახაზინო კოდი: 707357519).
იმ დაინტერესებულ პირებს, რომელთაც სურთ მოიპოვონ მოქმედი იმპორტიორის სტატუსი, ზემოაღნიშნულ დოკუმენტაციასთან ერთად სააგენტოს ასევე უნდა წარუდგინონ ბოლო გასული სამი წლის (2023-2025 წლების) განმავლობაში ყოველწლიურად 500 კგ-ზე მეტი მონრეალის ოქმით გათვალისწინებული ნივთიერების იმპორტის საბაჟო ოპერაციების განხორციელების დამადასტურებელი საბუთი.
გაითვალისწინეთ, ზემოაღნიშნული კვოტის 80% განაწილდება მოქმედ იმპორტიორებზე, ხოლო 20% - ახალ იმპორტიორებზე.
• მოქმედი იმპორტიორის მიერ მოთხოვნილი სანებართვო ნივთიერებების ჯამური ოდენობა არ უნდა აღემატებოდეს ქლორდიფთორმეთანისთვის 4.8 მეტრულ ტონას, ხოლო F დანართით განსაზღვრული ნივთიერებებისთვის – 224 000 ტონა ნახშირორჟანგის (CO2) ეკვივალენტს.
• ახალი იმპორტიორის მიერ მოთხოვნილი სანებართვო ნივთიერებების ჯამური ოდენობა არ უნდა აღემატებოდეს ქლორდიფთორმეთანისთვის 1.2 მეტრულ ტონას, ხოლო F დანართით განსაზღვრული ნივთიერებებისთვის – 56 000 ტონა ნახშირორჟანგის (CO2) ეკვივალენტს. გთხოვთ, აღნიშნული მიზნებისთვის იხელმძღვანელოთ F დანართით განსაზღვრული ნივთიერებების მასის ტონა ნახშირორჟანგის (CO2) ეკვივალენტში გადაყვანის თანდართული ცხრილით.
- ადმინისტრაციული სამართალდარღვევა
- პროაქტიულად გამოსაქვეყნებელი დოკუმენტები
- ჰაერის დაბინძურების ხარისხი
- გზშ და სგშ განცხადებები
- ანგარიშები
- სტრატეგიული დოკუმენტები
- განცხადებები
- ანალიტიკა
- სერვისების გზამკვლევი
- დარგობრივი გზამკვლევი
- საჯარო განხილვისთვის
- ინვესტორთათვის
- მოითხოვე საჯარო ინფორმაცია
- სასოფლო-სამეურნეო კოოპერატივების რეესტრი