საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

 

ევროკავშირთან ასოცირების ხელშეკრულების - ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) მე-4 თავის - „სანიტარიული და ფიტოსანიტარიული ზომების“ ფარგლებში 2026 წლისათვის აღებული ვალდებულებების შესრულების მიზნით, ინდივიდუალური აქტით დასამტკიცებლად წარმოგიდგენთ სახელმძღვანელო მითითებებს - „ვაშლის წვენსა და სხვა სასმელებში ვაშლის წვენის ინგრედიენტად გამოყენებისას პატულინით დაბინძურების პრევენციისა და შემცირების შესახებ“.

 

სახელმძღვანელო მითითებები შემუშვებულია „ვაშლის წვენში და სხვა ვაშლის წვენის შემცველ სასმელებში პატულინის მინარევის აღკვეთისა და შემცირების თაობაზე“ 2003 წლის 11 აგვისტოს კომისიის 2003/598/EC რეკომენდაციის [COMMISSION RECOMMENDATION of 11 August 2003, on the prevention and reduction of patulin contamination in apple juice and apple juice ingredients in other beverages (notified under document number C(2003) 2866), (Text with EEA relevance) (2003/598/EC)] შესაბამისად.

 

სახელმძღვანელო მითითებების შესავალ ნაწილში მოცემულია პატულინის პროდუქცენტი ობის სოკოები, მათი გავრცელების, ცხოველმყოფელობის და ტოქსინის წარმოქმნის ოპტიმალური პირობები.

 

სახელმძღვანელო მითითებებში განხილულია პრაქტიკული რეკომენდაციები კარგი სასოფლო-სამეურნეო პრაქტიკის (GAP) მიხედვით, რომელიც მოიცავს მოსავლის აღებამდე პერიოდს, ხილის მოსავლის აღებისა და ტრანსპორტირებისთვის საჭირო პირობებს, ხილის მოსავლის აღების შემდგომი დამუშავებისა და შენახვის პრაქტიკა, ცხრილში მოცემულია რეკომენდებული ტემპერატურები სხვადასხვა ჯიშის ვაშლის ჰაერზე შენახვისათვის.


პრაქტიკული რეკომენდაციები კარგი სასოფლო-სამეურნეო პრაქტიკის (GAP) მიხედვით, მოიცავს ასევე რეკომენდაციებს ბაზარზე განთავსების ან წვენის დამზადებისათვის განკუთვნილი ხილის შენახვის შემდგომი დახარისხებისათვის.


GMP-ის მიხედვით, რეკომენდებულ პრაქტიკაში განხილულია ხილის ტრანსპორტირების, შემოწმებისა და დაწურვისათვის, ასევე წვენის ჩამოსხმა/დაფასოების, საბოლოო გადამუშავებისა და წვენის ხარისხის შეფასებისათვის საჭირო რეკომენდაციები