საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

ცვლილების პროექტი შემუშავებულია პროდუქტის უსაფრთხოებისა და თავისუფალი მიმოქცევის კოდექსის 56-ე მუხლის პირველი ნაწილის, 58-ე მუხლის მე-2 ნაწილის, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 75-ე მუხლის მე-2 ნაწილის, Commission Implementing Regulation (EU) No 503/2013 of 3 April 2013 on applications for authorisation of genetically modified food and feed in accordance with Regulation (EC) No 1829/2003 of the European Parliament and of the Council and amending Commission Regulations (EC) No 641/2004 and (EC) No 1981/2006, (2013 წლის 3 აპრილის კომისიის (EU) №503/2013 განმახორციელებელი რეგულაცია ევროპარლამენტისა და საბჭოს (EC) №1829/2003 რეგულაციის შესაბამისად გენმოდიფიცირებული სურსათისა და ცხოველის საკვების ავტორიზების განაცხადების შესახებ, რომელსაც ცვლილება შეაქვს კომისიის (EC) №641/2004 და (EC) №1981/2006 რეგულაციებში) და საქართველოს კანონმდებლობით განსაზღვრულ მოთხოვნათა შესაბამისად.

საკანონმდებლო დაახლოება 2003 წლის 22 სექტემბრის ევროპის პარლამენტის და საბჭოს (EC) N1829/2003 რეგულაციასთან „გენმოდიფიცირებული სურსათისა და ცხოველის საკვების შესახებ“, განხორციელდა 2018 წელს საქართველოს მთავრობის 2018 წლის 16 ნოემბრის №549 დადგენილებით „მოთხოვნები გენეტიკურად მოდიფიცირებული სურსათისა და ცხოველის საკვების შესახებ“.

კომისიის (EU) №503/2013 განმახორციელებელი რეგულაცია, განსაზღვრავს დამატებით მოთხოვნებს:

ა) იმ გენმოდიფიცირებული მცენარეებისთვის, რომლებიც გამოიყენება სურსათში ან ცხოველის საკვებში;   

ბ) იმ სურსათისათვის ან ცხოველის საკვებისათვის, რომლებიც შიცავენ გენმოდიფიცირებულ მცენარეებს; 

გ) იმ სურსათისათვის ან ცხოველის საკვებისთვის, რომელიც წარმოებულია ან შეიცავს გენმოდიფიცირებული მცენარისგან წარმოებულ ინგრედიენტს. 

კომისიის (EU) №503/2013 განმახორციელებელი რეგულაცია განსაზღვრავს ისეთ დამატებით, ტექნიკურ მოთხოვნებს, როგორციაა სამეცნიერო კვლევები, გენმოდიფიცირებული სურსათის ან ცხოველის საკვების რისკის შეფასება, დამატებითი მოთხოვნები რისკის შეფასებასთან დაკავშირებით, ბაზრის შემდგომი ზედამხედველობა, გენმოდიფიცირებული სურსათის ან ცხოველის საკვების გამოვლენის, იდენტიფიკაციისა და რაოდენობრივი განსაზღვრის მეთოდები და სხვა.

გამომდინარე აღნიშნულიდან, მიზანშეწონილია გენმოდიფიცირებული სურსათის ან ცხოველის საკვების ავტორიზაციის პროცესში კომპეტენტურმა ორგანომ იხელმძღვანელოს ევროკავშირის მიერ აღიარებული გენმოდიფიცირებული სურსათის ან ცხოველის საკვების რეესტრით, რომელიც ხელმისაწვდომია შემდეგ ვებ გვერდზე: https://food.ec.europa.eu/plants/genetically-modified-organisms/gmo-register_en.

საკონტაქტო პირი - ქეთევან ლაფერაშვილი   ketevan.laperashvili@mepa.gov.ge