ახალი ამბები
დავით სონღულაშვილი: „აკვაკულტურა და მარიკულტურა ის მიმართულებებია, რომლებსაც განვითარების დიდი პოტენციალი აქვს“
გარემოს დაცვისა და სოფლის მეურნეობის მინისტრის დავით სონღულაშვილის განცხადებით, სოფლის მეურნეობის განვითარება სახელმწიფოსთვის ერთ-ერთი მთავარი პრიორიტეტია და აგროთანადაფინანსების პროგრამაში განსაკუთრებული აქცენტი იმ მიმართულებებზე კეთდება, რომლებსაც განვითარების მეტი პოტენციალი გააჩნია.„სასურსათო უსაფრთხოების კომპონენტს განსაკუთრებული ყურადღება ეთმობა. პრიორიტეტულია ის მიმართულებები, რომლებიც ხელს უწყობს ადგილობრივი წარმოების ზრდას, იმპორტის ჩანაცვლებას და საექსპორტო პოტენციალის გაძლიერებას. ქვეყნის ჭარბი ბუნებრივი რესურსებიდან გამომდინარე, აკვაკულტურა და მარიკულტურა ის მიმართულებებია, რომლებსაც განვითარების დიდი პოტენციალი აქვს. ასევე პრიორიტეტული მიმართულებებია მეფუტკრეობა და სხვა ნიშური დარგები, რომლებსაც განვითარების მაღალი პოტენციალი აქვს“, - განაცხადა დავით სონღულაშვილმა.