საჯარო განხილვისთვის
„ბიოლოგიური მრავალფეროვნების შესახებ“ საქართველოს კანონის განხილვა
საქართველოს გარემოს დაცვისა და სოფლის მეურნეობის სამინისტრომ, გერმანიის საერთაშორისო თანამშრომლობის საზოგადოებისა (GIZ) და შვედეთის განვითარებისა და თანამშრომლობის სააგენტოს (SIDA) მხარდაჭერით, დაასრულა მუშაობა „ბიოლოგიური მრავალფეროვნების შესახებ“ საქართველოს კანონის პროექტზე.
გაცნობებთ, რომ „ბიოლოგიური მრავალფეროვნების შესახებ“ საქართველოს კანონის პროექტის საჯარო განხილვა გაიმართება 2023 წლის 11 დეკემბერს 12:00 საათზე საქართველოს გარემოს დაცვისა და სოფლის მეურნეობის სამინისტროს სსიპ ღვინის ეროვნული სააგენტოს დარბაზში (მის. თბილისი, მარშალ გელოვანის გამზირი 34).
კანონპროექტის საჯარო განხილვა გაიმართება ჰიბრდულ ფორმატში. ონლაინ მონაწილეობა შესაძლებელია შემდეგი ბმულის გამოყენებით:
https://zoom.us/j/92262136709?pwd=MDNJUFhZZVEyaUhQeHJwalU3RTV1dz09
Meeting ID: 922 6213 6709
Passcode: 319120
„ბიოლოგიური მრავალფეროვნების შესახებ“ საქართველოს კანონის პროექტი შემუშავდა ევროკავშირთან ასოცირების ხელშეკრულებით განსაზღვრული ვალდებულებების შესრულებისათვის სამართლებრივი საფუძვლების შექმნისა და ევროპის ბუნების დაცვის პოლიტიკასთან საქართველოს კანონმდებლობის ჰარმონიზების მიზნით.
„ბიოლოგიური მრავალფეროვნების შესახებ“ საქართველოს კანონის პროექტის კონკრეტული მიზნებია უზრუნველყოს:
• ველური მცენარეებისა და გარეული ცხოველების სახეობების დაცვა და გრძელვადიანი შენარჩუნება;
• ჰაბიტატების დაცვა და შენარჩუნება ზურმუხტის ქსელის განვითარებისა და საერთაშორისო ქსელებში ჩართული დაცული ტერიტორიების შექმნის გზით;
• ველური ფლორისა და ფაუნის სახეობებით საერთაშორისო ვაჭრობის რეგულირება;
• გენეტიკურ რესურსებზე და მასთან დაკავშირებულ ტრადიციულ ცოდნაზე ხელმისაწვდომობა და მათი გამოყენებით მიღებული სარგებლის სამართლიანი განაწილება;
• ევროკავშირსა და საქართველოს შორის ასოცირების ხელშეკრულებით ნაკისრი ვალდებულებების შესრულება, მათ შორის ევროკავშირის დირექტივების: 92/43/EEC ბუნებრივი ჰაბიტატებისა და ველური ფლორისა და ფაუნის შენარჩუნების შესახებ, და 2009/147/EC ფრინველთა კონსერვაციის შესახებ ჰარმონიზება.
„ბიოლოგიური მრავალფეროვნების შესახებ“ საქართველოს კანონის პროექტზე შენიშვნებისა და კომენტარების წარმოდგენა შესაძლებელია არაუგვიანეს 2023 წლის 7 დეკემბრის შემდეგ ელ. ფოსტაზე: Mariam.Bikashvili@mepa.gov.ge
საქართველოს კანონი ცხოველთა სამყაროს შესახებ საქართველოს კანონში ცვლილებისა და დამატებების შეტანის შესახებ
ნახვა ჩამოტვირთვასაქართველოს კანონი ,,საქართველოს სისხლის სამართლის კოდექსში” ცვლილებების შეტანის თაობაზე
ნახვა ჩამოტვირთვასაქართველოს კანონში ,,სამრეწველო ემისიების შესახებ“ ცვლილებისა და დამატებების შეტანის შესახებ
ნახვა ჩამოტვირთვასაქართველოს კანონი ,,სალიცენზიო და სანებართვო მოსაკრებლების შესახებ“ საქართველოს კანონში ცვლილებების შეტანის თაობაზე
ნახვა ჩამოტვირთვასაქართველოს კანონი ,,ლიცენზიებისა და ნებართვების შესახებ“ საქართველოს კანონში ცვლილების შეტანის თაობაზე
ნახვა ჩამოტვირთვასაქართველოს კანონი საქართველოს ორგანული კანონში ,,ადგილობრივი თვითმმართველობის კოდექსი“ ცვლილების შეტანის თაობაზე
ნახვა ჩამოტვირთვასაქართველოს კანონი ,,დაცული ტერიტორიების სისტემის შესახებ” საქართველოს კანონში ცვლილებების შეტანის თაობაზე
ნახვა ჩამოტვირთვა- პროაქტიულად გამოსაქვეყნებელი დოკუმენტები
- ჰაერის დაბინძურების ხარისხი
- გზშ და სგშ განცხადებები
- ანგარიშები
- სტრატეგიული დოკუმენტები
- განცხადებები
- ანალიტიკა
- სერვისების გზამკვლევი
- დარგობრივი გზამკვლევი
- საჯარო განხილვისთვის
- ინვესტორთათვის
- მოითხოვე საჯარო ინფორმაცია
- ეკონომიკური საქმიანობა, რომელიც საგანგებო მდგომარეობის პერიოდში საჭიროებს სპეციალურ ნებართვას
- სასოფლო-სამეურნეო კოოპერატივების რეესტრი